Претседателот на Ерменија Серж Саркисјан победи на претседателските избори, соопшти денеска Централната изборна комисија по пребројувањето на гласовите во сите избирачки места.
Според првичните резултати Саркисјан на вчерашните избори освои 58,64 процети од гласовите, што значи дека е избран за втор претседателски мандат уште во првиот круг.
На второ место со 36,75 отсто од гласовите е лидерот на опозициската партија „Наследство“ Рафи Ованисјан, кој беше првиот министер за надворешни работи на независна Ерменија по распаѓањето на Советскиот сојуз.
На трето место е лидерот на опозициската партија „Свобода“ и поранешен премиер Хрант Багратан, за кого гласаа 2,1 отсто од избирачите.