Во антитерористичка операција против терористичката организација Исламска држава (ИСИС) во Турција, врз полицијата е пукано, а седум полицајци се ранети во размената на оган, соопштија локалните власти, додавајќи дека наставата е прекината во округот Јалова, каде што се спроведуваат операциите.
Припадници на Управата за покраинска полиција спроведоа операција во куќа на патот кон селото Елмалик, во централниот дел на округот Јалова, објави ТРТ Хабер. За време на операцијата се случи вооружен судир, во кој беа повредени полицајци. Операцијата, во која учествуваат и специјални полициски единици од Бурса, продолжува со зголемени безбедносни мерки во областа. Повредените полицајци се однесени во болница, а според достапните информации, нивната здравствена состојба е стабилна.
Надлежните од округот Јалова објавија дека наставата во пет училишта во областа денес е прекината од безбедносни причини.
Гасот и електричната енергија се прекинати во зоната на конфликтот, а на цивилите и возилата не им е дозволен влез во областа.
