Две жени и три деца се повредени денеска во станбен блок во Палермо кога сајлите што го држеле лифтот попуштиле под нивната тежина.
Како што јави агенцијата Анса, 32-годишна жена претрпела тешка повреда на десната нога, а нејзините три деца и уште една 71-годишна жена се полесно повредени.
Според првите информации, лифтот кој се урна бил рачно изработен, го изработил член на семејството кој по професија е ковач.
Зградата нема скали и овој лифт го користеле станарите за да стигнат до своите станови.
Полицијата соопшти дека најверојатно до падот на лифтот дошло бидејќи тежината на сите патници во лифтот била поголема од максимално дозволената, па сајлите се откачиле од платформата бидејќи не го издржале товарот.