Судир во воздух помеѓу два хеликоптери во близина на аеродромот Еура во Финска резултираше со пет смртни случаи, меѓу кои и двајца истакнати естонски бизнисмени – Олег Снајалга (58) и Прит Јагант (52).
Двата лесни хеликоптери со четири седишта, биле на пат од Талин кон приватен авијациски настан во Финска кога се случила фаталната несреќа. Естонскиот бизнисмен Ваино Калдоја, основач на компанијата „Силберауто“, ги потврди идентитетите на двајцата мажи за локалните медиуми.
Според властите, во двата хеликоптери имало пет лица – три во едниот и двајца во другиот. Естонскиот јавен радиодифузен сервис ERR, повикувајќи се на првични информации од Министерството за надворешни работи на земјата, објави дека никој не ја преживеал несреќата.