Финскиот премиер Петери Орпо во Киев изјави дека не треба да се склучуваат никакви договори за купување гас од Русија сè додека Москва ја продолжува војната во Украина.
Во Киев, Орпо разговараше со украинскиот претседател Володимир Зеленски, кој на заедничка прес-конференција истакна дека Украина и Финска разговарале за можна соработка во областите на сателитските комуникации, енергетиката и логистиката, пренесе „Укринформ“.
Орпо и Зеленски разговараа за поддршката за Украина и за зајакнувањето на нејзината одбрана, како и за сателитските комуникации и проширувањето на соработката со финските компании „Нокиа“ (Nokia) и „Ајс-ај“ (ICEYE).