Саудиска принцеза ограбена во Париз – крадците „се омрсиле“ со 600.000 евра во накит, чанти и крзно

Од:

Неименувана припадничка на саудиското кралско семејство, непријатно се изненадила кога вчера се вратила во нејзиниот стан во Париз и открила дека биле ограбени нејзините скапоцени чанти, накит и крзно, во вредност од 600.000 евра. Принцезата била во шок и е сместена во болница.

Како што објавија француските медиуми, саудиската принцеза не била во нејзиниот стан во Париз од средината на август. По враќањето во четвртокот, таа го пронашла станот испразнет од нејзините торби, накит и крзна. Вкупниот износ на пленот изнесувал најмалку 600.000 евра, наведува извор близок до истрагата.

-Сторителот влегол во овој голем стан на авенијата „Жорж Петти“, во близина на Елисејските полиња, без употреба на сила, изјавил изворот, со што ја потврдил информацијата објавена од весникот Паризиен.

Исчезнати биле 30-на торби Хермес, проценети меѓу 10.000 и 30.000 евра по парче, часовник Картие, накит и крзно.

-Вкупната штета се уште се проценува, наведува изворот.

47-годишната жена, чиј идентитет не се открива, поради шокот била хоспитализирана и истражителите се уште не можеле да ја сослушаат.

Јавното обвинителство во Париз отвори истрага и ѝ ја довери на Бригадата за разбојништва на париската судска полиција.

Би можело да ве интересира

Францускиот фарма-гигант Санофи „им подава рака“ на компаниите кои веќе произведуваат вакцини

Жарко Настоски

Франција воведе задолжитетелен тест за коронавирус за патниците што не се од ЕУ

Жарко Настоски

Поранешниот селектор на Франција во уметничко лизгање обвинет за силување на шест репрезентативки

Жарко Настоски

Франција ја одобри вакцината на Модерна

Жарко Настоски

Музеите, кината, спортските објекти и рестораните во Франција остануваат затворени до крајот на месецот

А1он

Веран: Ќе ја забрзаме и поедноставиме вакцинацијата во Франција

Ана Ололовска