Саудиска Арабија демантира дека одобрила убиство на Кашоги

Од:

Саудиска Арабија синоќа го демантираше извештајот објавен од САД дека саудискиот принц Мохамед бин Салман го одобрил убиството на новинарот на Вашингтон пост, Џамал Кашоги (1958-2018).

Демантот го објави новинската агенција на владата на Саудиска Арабија, пренесе веб-страницата „Хил“.

„Кралството категорично го негира напишаното во извештајот доставен до Конгресот (САД), а станува збор за убиство на граѓанинот Џамал Кашоги“, беше објавено на Твитер.

Претходно, американската разузнавачка служба објави извештај на четири страници, во кој се наведува дека принцот Мохамед бин Салман ја одобрил операцијата за „фаќање или убивање“ на Кашоги во Турција.

„Принцот сметаше дека Кашоги претставува закана за кралството и затоа ги поддржува, доколку е потребно, насилните мерки само за да го замолчи“, се вели во извештајот доставен до Конгресот.

Во извештајот се наведени и имињата на 21 лице блиски до принцот, кои биле вмешани во убиството што се случи во октомври 2018 година во саудискиот конзулат во Истанбул.

Кашоги тогаш влегол во зградата за да ги земе документите за венчавката што му претстоеше, а турските истражители соопштија дека тој таму бил задавен и распарчен.

Би можело да ве интересира

Саудиската коалиција уништила шест дронови на Хутите

Ана Ололовска

На мал аџилак во Мека ќе можат да одат само вакцинирани или со стекнат имунитет од Ковид-19

Жарко Настоски

ОН потврдија дека саудиски службеник се заканил на експертка што ја водеше истрагата на Кашоги

Ана Ололовска

Висок саудиски претставник упатил смртни закани кон независниот истражител на ОН за убиството на Кашоги

Саудиска Арабија им нуди на Хутите план план за прекин на огнот во Јемен

Жарко Настоски

Хутите повторно нападнаа рафинерија во Саудиска Арабија

Жарко Настоски