Кинеското Министерство за трговија ги повикува САД „веднаш да ги отповикаат овие еднострани царински мерки и да ги решат трговските спорови на соодветен начин преку еднаков дијалог со своите партнери“.
„Кина одлучно се противи на овој потег и ќе преземе решителни контрамерки за да ги заштити своите права и интереси“, рече портпаролот.
Претходно кинеската државна новинска агенција Ксинхуа објави коментар во кој тарифите ги нарече „самоуништувачко насилство“ и го обвини Трамп дека „трговијата ја претворил во крајно поедноставена одмаздничка игра“.
Кина е можеби најтешко погодена од денешното соопштение на Трамп бидејќи е воведена дополнителна царина од 34 отсто за сите кинески стоки – покрај веќе постоечките 20 отсто.
