Само четири отсто од Французите се задоволни од работата на Франсоа Оланд како претседател, според Центарот Ипсос-SСопра Стериа и Центарот за политички истражувања На Политичките науки, објавен денес во париски Ле Монд, пренесува дописникот на МИА.
Од 17.047 испитаници, анкетирани меѓу 14-19 октомври, три проценти се„”делумно” задоволни и еден отсто многу задоволни, наспроти 70 проценти кои велат дека не се задоволни од работата на шефот на државата и 26 проценти не се ни едното, ниту другото.
Просечната оценка на испитаниците за Франсоа Оланд е 2.3/10.
Истражувањето спроведено редовно од ноември 2015 година систематски дава процент на задоволни многу понизок од другите анкети (поминувајќи од 12 отсто во првиот бран на 5 отсто во мај и јуни, со благ раст на 6 отсто во септември). Спротивно на тоа, бројот на луѓе кои се незадоволни, исто така е помал во споредба со другите истражувања, додека бројот на испитаниците кои се неопределени исто така е значително повисок.