На Иран ќе му требаат само пет дена да ја зголеми збогатеноста на ураниумот на 20 отсто, изјави денеска шефот на Иранската организација за атомска енергија, Али Акбар Салехи.
Тоа е нивото со кое ураниумот може да се користи за производство на нуклеарно оружје.
– Доколку се одлучиме, во нуклеарната инсталација Фордо за најмногу пет дена можеме да произведеме ураниум со чистота до 20 отсто, изјави Салехи во интервју за иранската државна телевизија ИРИБ, а пренесоа француските медиуми.
Салехи, меѓутоа, додаде дека Техеран не сака тоа да се случи.
– Дефинитивно, не сме заинтересирани за таков развој на ситуацијата. Договорот не го постигнавме лесно за лесно да го напуштиме. Посветени сме и лојални на договорот, рече Салехи.
Иран, како што наведуваат американските медиуми, по потпишувањето на историскиот нуклеарен договор со светските сили,во 2015 година, се откажа од повеќето свои залихи од 20-процентен збогатен ураниум.
Со овој договор нивото на збогатеност на ураниумот за производство во Иран е огранчено на пет отсто, а во замена за ограничувањето на иранската нуклеарна програма, на Техеран му беа укинати санкциите.