САД вчера воведе нови дополнителни санкции за Иран, а на мета се најдоа иранската валута–риал и автомобилската индустрија.
Американскиот претседател Барак Обама воведе еднострани санкции за Иран кои дирекно се однесуваат на трансакции на отворените сметки надвор од државата.
Цел на американските санкции за Иран е валутата да се направи неупотреблива надвор од границите на државата, додека Исламската Република не направи отстапки поврзани со спорниот нуклеарен програм.
Санкциите се однесуваат и на казнување на сите оние кои учествуваат во продажба и услуги поврзани со иранската автомобилска индустрија.
-Се ова е дел од посветеноста на претседателот Обама да се спречи Иран во нуклеарното вооружување, така што се зголемени трошоците кон меѓународната заедница- изјави портпаролот на Белата куќа Џеј Карни.
Новите санкции се дел од стратегијата на Вашингтон да изврши притисок врз иранската валута, бидејќи Техеран одбива да се прилагоди на меѓународниот притисок и да ги стави под контрола своите нуклеарни напори.
Елена Георгиевска