Федерален судија во Њујорк го отфрли најновиот обид на Саудиска Арабија да ги отфрли граѓанските тужби во кои се тврди дека ги поддржувала киднаперите на нападите врз Њујорк на 11 септември 2001 година.
Судијата Џорџ Б. Даниелс рече дека неговата пресуда е за надлежност, а не за основаноста на тужбите против Саудиска Арабија, објави АП.
Адвокатите на Саудиска Арабија тврдат дека Ријад и САД биле партнери во 1990-тите години против тероризмот, Ал Каеда и нејзиниот основач, Осама бин Ладен.
Адвокатите на роднините на жртвите од 11 септември тврдат дека група екстремистички верски лидери во Саудиска Арабија им помогнале на киднаперите кои ги урнале авионите во Светскиот трговски центар и Пентагон.
Во тужбите, стотици роднини на жртвите и преживеаните, заедно со осигурителни компании и бизниси, тврдат дека вработените во саудиската влада директно и свесно им помогнале на киднаперите и заговорниците и го охрабриле развојот на Ал Каеда во терористичка организација со финансирање на добротворни организации кои ги поддржувале.