Американскиот носач на авиони на нуклеарен погон „УСС Нимиц“ и останатите бродови од неговиот состав се упатија во Црвеното море, како помош во случај на напад на Сирија.
-Се работи на распоредување на средства кои би биле потребни во случај на напад -изјави американско официјално лице за „Ројтерс“.
Воената флота во чиј состав се четири разорувачи и еден крстосувач, се уште немааат специфични наредби и се движат кон Арапското море.
Досега носачот, беше на позициите во Индискиот океан каде што им беше давана помош на американските операции во Авганистан.
Само за потсетување, американскиот државен секретар Џон Кери вчера изјави дека САД имаат цврсти докази дека режимот на Асад употребил хемиско оружје, додека американскиот претседател Барак Обама рече дека се подготвени за интервенција но чекаат одобрување од Конгресот.
Елена Георгиевска