Вработените во средното училиште во Кларксвил, во американската држава Арканзас во новата школска година ќе носат сокриено оружје.
Идентитетот на професорите кои што ќе бидат вклучени во овој проект за сега е сокриен, но како што наведуваат агенциите, сите ќе мора да поминат на обука.
И покрај тоа што Кларксвил е мирно место со околу 9.200 лица, родителите се загрижени за безбедноста на децата, по нападот во основното училиште во Њутаун, во декември минатата година, кога беа убиени 20 деца и шест наставници.
Министерот за образование Том Кимбрел изјави дека е против тоа наставниците и лицата од училиштата да се вооружени и предложи за тоа да бидат ангажирани професионалци.
Националната асоцијација за оружје оцени дека носењето оружје е еден од одговорите на сериозните закани во училиштето.
Елена Георгиевска