Американскиот претседател Доналд Трамп изјави денеска дека не може да гарантира дека ќе се одржи прекинот на огнот во Појасот Газа, само еден ден пред да биде домаќин на израелскиот премиер Бенјамин Нетанјаху во Белата куќа, јавува Anadolu.
Трамп им рече на новинарите во Овалната соба дека „нема гаранција“ дека прекинот на огнот ќе остане на сила.
„Видов како луѓето се брутални. Никој никогаш не видел нешто слично. Не, немам гаранција дека мирот ќе се одржи“, рече тој.
Трамп утре ќе биде домаќин на Нетанјаху, што е прва официјална посета на странски лидер откако тој ја презеде функцијата минатиот месец.