Американската војска соопшти дека извршила уште два напади врз, како што наведува, бродови за шверц на дрога во источниот Пацифик, при што загинале пет лица.
Американската војска во четврток соопшти дека три лица се убиени на едниот брод, а две на другиот, објави NBC.
– Разузнавањето потврди дека бродовите транзитирале по познати рути за трговија со дрога во источниот Пацифик и биле вклучени во операции за трговија со дрога, се вели во соопштението на Јужната команда на САД.
Од почетокот на септември, Пентагон потона 28 наводни бродови за дрога во Карибите и источниот Пацифик, при што загинаa најмалку 104 лица во нападите.
Во последните недели, американскиот претседател Доналд Трамп постојано објавуваше дека американската војска наскоро ќе започне копнени напади насочени кон шверцерите на дрога во Карибите, ескалирајќи ги тензиите меѓу САД и Венецуела.
Администрацијата на Трамп заплени танкер за нафта покрај брегот на Венецуела минатата недела и најави нови санкции врз земјата.
Речиси четири месеци, САД одржуваат значително воено присуство на Карибите, голем дел од нив покрај брегот на Венецуела, под изговор за борба против трговијата со дрога, што Венецуела го осуди како таен обид за промена на режимот во Каракас.