САД денеска објавија план од сто милиони долари за обука на половина милион медицински персонал во Јужна Америка. Планот беше соопштен на Самитот на двете Америки што се одржува во Лос Анџелес.
Со парите е предвидено да се формира таканаречен „Здравствен корпус на Америка“, тело што ќе има за задача во рок од пет години да ги подобри вештините и компетенциите на 500 илјади вработени во секторот, се вели во соопштението на Белата куќа.
Предвидените средства покрај од САД ќе бидат обезбедени и преку фондови, како и донаци преку Панамериканската здравствена организација.
„Пандемијата ни покажа многу од недостатоците на здравствените системи ширум светот и ја истакна важноста од здрави и одржливи системи за целото население“, соопшти Белата куќа.
Извор: МИА