Во САД во изминатите 24 часа се регистрирани нови 190.562 случаи на лица заразени со коронавирусот, а починале 1083 луѓе, објавија властите.
Вкупниот број на заразени во земјата, кој е највисок во една држава во светот, сега изнесува речиси 13 милиони, а од компликации поврзани со Ковид-19 починале 263.812 Американци.
Најзагрозена е државата Тексас, во која има 1.191.608 случаи, нешто повеќе од Калифорнија и Флорида. Најмногу смртни случаи се забележани во државата Њујорк (34.276).
По САД, најмногу вкупно заразени со Ковид-19 има во Индија (околу 9.2 милиони) и во Бразил (нешто над 6 милиони).