САД ја обвинија Кина дека ги крши санкциите на ОН кон Северна Кореја

Од:

Американскиот Стејт департмент ја обвини Кина за кршење на обврската за спроведување на меѓународните санкции кон Северна Кореја и соопшти дека Вашингтон ќе понуди награда до пет милиони долари за информации за прикривањето на кршењето на санкциите.

Американскиот заменик-помошник државен секретар за Северна Кореја, Алекс Вонг, на митинг во Вашингтон, ја обвини Кина дека „се обидува да се откаже од режимот на санкции на ОН воведен кон Пјонгјанг со цел да се откаже од својата програма за нуклеарно вооружување“, пренесуваат британските медиуми.

Вонг кажа дека во Кина работат најмалку 20.000 работници од Северна Кореја, кои ги кршат санкциите на ОН.

Тој додаде дека САД во 555 наврати претходно забележале дека севернокорејските бродови превезуваат јаглен и друга стока под санкции во Кина и дека кинеските власти не се обидуваат да го спречат тоа.

Вонг, исто така, кажа дека во Кина во моментов има дваесетина севернокорејски службеници поврзани со програмите и банките кои, наводно, се поврзани со оружје за масовно уништување.

Тој посочи дека Кина се обидува да ги укине санкциите воведени од ОН врз Пјонгјанг, за кои самиот Пекинг гласаше во 2006, 2009, 2013, 2016 и 2017 година.

Би можело да ве интересира

Вашингтон бара од Москва итно да го ослободи опозиционерот Навални

Жарко Настоски

Врховниот суд отфрли антикорупциски тужби против Трамп

Жарко Настоски

САД: Трансродовите лица пак можат да служат војска, Бајден ја укина забраната

Жарко Настоски

Компанијата „Доминион“ го тужи Џулијани за 1,3 милијарди долари поради тврдењата за изборна измама

Жарко Настоски

ВИДЕО: Пет жртви во пукање во Индијанаполис, настрада и бремена жена

Катерина Павлова-Николовска

Бајден повторно го воведе ограничувањето за влез во САД