Русија и САД работат во Советот за безбедност на ОН на нови резолуции за спречување на финансирањето на џихадистичката група Исламска држава, наведуваат дипломати.
Американската амбасадорка во ОН Саманта Пауер изјави дека Вашингтон сака да ги консолидира и рационализира напорите на Советот за прашањето за финансирање на ИД. САД претседаваат со СБ на ОН во декември и се надеваат на успшех во средината на месецот.
– Во крајот на минатата недела Вашингтон доби руска нацрт-резолуција во таа насока и ја анализира, изјави Пауер.
– Русија и САД имаат заедничка цел, нагласи Пауер без да прецизира дали двете страни може да се договорат за заеднички текст.
Според оценка на експерти на ОН од пред една година продажбата на нафта и носи на ИД меѓу 850.000 и 1,65 милиони долари дневно.