САД и Иран се надеваат дека нуклеарните преговори можат да бидат забрзани за постигнување, како што е предвидено, во март на рамковен договор, а до крајот на јуни – и конечен договор за иранската нуклеарна програма.
Тоа беше договорено по средбата на шефовите на дипломатиите на двете земји Џон Кери и Мохамад Џавад Зариф во Женева. Кери и Зариф разговараа пет часа.
– И двете земји сфаќаат дека е важно да се забрза темпото, рече Зариф пред средбата.
– Сите прашања се тешки, додека не бидат решени, и сите прашања се лесни, ако се решат, додаде тој.