САД го одбија предлогот на Путин за укинување на санкциите кон Русија

Од:

САД синоќа го одбија предлогот на рускиот претседател Владимир Путин за укинување на економските санкции во замена за деблокада на црноморските пристаништа за извоз на украинското жито.

Портпаролката на Белата куќа, Карин Жан-Пјер синоќа изјави дека за неизвезувањето на украинското жито заслужна е руската блокада, а не санкциите кон Москва.

– Нема разговори. За ова е виновна Русија … Русија под итно треба да ја запре војната со Украина, што влијае врз глобалната безбедност на храната, истакна Жан-Пјер.

Путин во вчерашниот телефонски разговор со италијанскиот премиер Марио Драги изјави дека Русија ќе ги пушти бродовите кои транспортираат житарки и вештачко ѓубриво, за да се ублажи прехранбената криза, но само „под услов да се укинат политички мотивираните ограничувања наметнати од Западот“.

Портпаролот на Кремљ, Дмитриј Песков изјави дека ќе се дозволи извоз од Украина само ако се укинат санкциите кон Русија.

Извор: МИА

Би можело да ве интересира

ВИДЕО: Украинците погодија складиште за нафта во самопрогласената Луганска република

Катерина Ѓуровски

ВИДЕО: Напад на функционер во Русија, тројца мртви

Катерина Ѓуровски

Русија и Иран формираат сојуз, Америка е загрижена

Путин: Неопходен е нов светски поредок

ВИДЕО: Русија жестоко ја нападна Одеса, има мртви и ранети

Катерина Ѓуровски

ВИДЕО: Голем напад на Русија, пожар во магацин за дронови „Шахед“

Катерина Ѓуровски