Американскиот Стејт департмент ги повика своите граѓани да го напуштат Јемен.
Во писменото предупредување се наведува дека во Јемен е зголемено нивото на безбедносните закани поради терористичка дејност и граѓански немири.
Во средата дел од персоналот на Амбасадата на САД во Јемен беше евакуиран.
Но, и покрај тоа Амбасадата на САД во Сана продолжи со работа.
Јеменскиот претседател Абд Рабу Мансур Хади предупреди дека е можна граѓанска војна во Јемен откако шиитските бунтовници го зазедоа главниот град, Сана, при што повеќе од сто луѓе загинаа.