Генералниот секретар на НАТО, Марк Руте, денес изјави дека новите американски напади врз Иран се „апсолутно неопходни“, оценувајќи дека Вашингтон морал решително да реагира по, како што изјави, кршењето на прекинот на огнот од страна на Иран.
„Кога имате прекин на огнот, а Иран фундаментално го крши, мислам дека е апсолутно клучно САД силно да реагираат“, изјави Руте пред новинарите пред самитот на лидерите на НАТО во Анкара, објави Ројтерс.
Тој рече дека очекува сојузниците во текот на денот да го потврдат својот став дека Иран треба целосно да го отвори Ормутскиот теснец за меѓународен превоз.
Зборувајќи за односите во рамките на Алијансата, Руте рече дека постои „целосна посветеност“ на американскиот претседател Доналд Трамп кон НАТО, но дека Вашингтон во исто време оправдано очекува европските членки и Канада да ги зголемат трошоците за одбрана и да ги порамномерно да ги делат трошоците во рамките на алијансата.
Коментирајќи го наводното незадоволство на некои американски претставници од сојузниците околу нивниот став кон Иран, Руте оцени дека станува збор за „изолирани случаи“.
Генералниот секретар на НАТО се осврна и на прашањето за Гренланд, наведувајќи дека се води „добар процес“ во врска со тоа прашање, но не даде дополнителни детали.