Официјалниот прием на Финска во НАТО не претставува директна закана за Русија, но постои загриженост во врска со распоредувањето на инфраструктурата и тешкото вооружување на Алијансата, изјави денеска рускиот амбасадор во Финска, Павел Кузњецов.
„Официјалниот прием на Финска во НАТО не претставува сериозна закана за руската безбедност. Сепак, постои загриженост дека НАТО би можел да распореди свои постојани воени бази или тешко офанзивно оружје и системи за ракетна одбрана во Финска“, рече Кузњецов, за руски медиуми.
Во тој случај, како што предупреди рускиот амбасадор во Финска, Русија ќе мора да преземе соодветни мерки како одговор за својата безбедност.
Извор: МИА