Научници од Политехничкиот универзитет во Томск (ТПУ) преку нови спроведени испитувања ги подобрија својствата на достапните биогорива, пренесува руски „Спутник“.
Студијата е објавена во списанието „Fuel“.
Според нив, тресет и бран (познат како трици) имаат споредливи карактеристики со кафеавиот јаглен.
Употребата на фосилни горива е ветувачка област на алтернативна енергетика, што значително го намалува негативното влијание врз животната средина и обезбедува ефективни алтернативи за отстранување на индустрискиот органски отпад.
„Раздвојувањето со седиментација е метод за подобрување на квалитетот на фосилното гориво со отстранување на минерални нечистотии“, стои во студијата.
Научниците од ТПУ го користеа овој метод за да ги подобрат својствата на достапните видови на биомаса, како и за детално испитување на Х-зраци на минералните компоненти.
Авторите објавија дека во однос на ефикасноста на согорувањето, горивото добиено преку овој метод може да се спореди со кафеавиот јаглен, кој е широко користен во топланите и термоелектраните.
Во иднина, истражувачкиот тим има во план да продолжи со проучувањето на минералните компоненти на биомасата за развој на нови видови гориво и подобрување на технологијата за производство на јаглеродни сорбенти.