Руската партија „Вистинскo дело“, соопшти денеска дека во својата платформа разгледува и за легализацијата на проституцијата, ако јавноста се согласува.
– Сакаме да го свртиме вниманието на тој проблем и дека тие жени работат во неподносливи услови, и дека се третираат како робови, а потоа ги отфрлаат на улица, рече портпаролот Андреј Дунајев за весникот „Известија“.
Тој додаде дека жените често „регрутираат“ криминалци или што е многу чест случај, корумпирани полицајци.
– Вџашен сум колку внимание привлече оваа проблематика. За оваа тема треба да се разговара во рамки на прашањата на модерното ропство. Станува збор за жените кои работат во секс индустријата и жените кои доаѓаат од странство, а кои живеат како стока, рече Дунајев.
Легализацијата на проституцијата би овозможила жените да ги уживаат истите права како и другите работници и отворените бордели, гарантирајќи им безбедност на работата, можност на редовен здравствен преглед и пензионирање.
Проституцијата во Русија сега не е кривично дело, туку прекршок кој се казнува парично со околу 2.000 рубљи или 65 долари. Спротивно од тоа, организирањето проституција се казнува со пет години затвор.