Руските сили извршија масовен воздушен напад со беспилотни летала врз Украина и, според прелиминарните податоци, има жртви, меѓу кои и деца, соопшти денес украинската Државна служба за вонредни состојби.
Според извештаите од спасувачките екипи, руските напади со беспилотни летала врз Киев предизвикале уништување и пожари во три населби, објави Укринформ, наведувајќи дека вкупно 11 лица се повредени, вклучувајќи две деца.
Претходно, шефот на Службата за државна безбедност на Киев, Тимур Ткаченко, прецизираше дека две деца, на возраст од 14 и 17 години, се повредени во нападот врз киевската населба Оболонски.
Во Свјатошинскиот округ избувна пожар во три еднокатни приватни станбени згради, а во Шевченкивск беа оштетени далновод и пат под железнички мост.
Според најновите информации од надлежните служби, сите пожари се изгаснати, а спасувачите продолжуваат да ги елиминираат последиците од руските воздушни напади.
Се известува дека по гранатирањето на Черкаси, пријавени се пет пожари на различни локации во градот, а едно лице е повредено.