Најмалку две лица загинаа, а пет се ранети во ослободениот украински град Херсон. Регионалниот гувернер вели дека руските сили извршиле „масовно гранатирање“ на градот.
Украинските сили го ослободија важниот стратешки град од руската окупација на 11 ноември, но властите велат дека руските сили оттогаш го гранатираат градот од другата страна на реката Днепар, кон кој се повлекле пред украинската контраофанзива.
Украинскиот гувернер на регионот Херсон на Телеграм објави дека цивили се убиени во една област на градот, додавајќи дека спасувачите и службите за итни случаи ги чешлаат и другите градски области во потрага по можни жртви.