Руските букмејкери почнаа да примаат облози дали Ленин ќе биде погребан во 2013 година, пишува „Гардијан“.
Руската православна црква ја поддржува идејата за погребување на починатиот, додека Комунистите се категорично против.
Повеќемина руски граѓани прифаќаат балсамираното тело на Ленин да биде изнесено од мавзолејот на „Црвениот плоштад“ и да биде погребано до неговата мајка во Санкт Петербург, според резултатите од анкетите.
Овој предлог прв во Парламентот на СССР ја изнесе писателот и поранешен дисидент Јуриј Каркин уште во 1989 година.Постоеја неколку обиди за тоа, по распадот на СССР, но ниту еден политички лидер досега не се осмели да го погребе Ленина.
Можеби третиот претседателски мандат на Владимир Путин ќе биде доволен за да направи ваков пресврт.