Руските сили извршија напади врз паркиралишта со камиони и автоцистерни кои, според тврдењата на руското Министерство за одбрана, ги користеле украинските сили.
Како што беше соопштено во Москва, беспилотни летала „Герањ-4 сикер“ погодиле паркиралишта со камиони во Одеската и Дњепропетровската област.
Според руското Министерство за одбрана, возилата се користеле за транспорт на дронови и компоненти, како и за доставување и привремено складирање горива и мазива.
Од руското Министерство наведуваат дека уништувањето на целите било потврдено со средства за објективна контрола во реално време.
Беа објавени и снимки за кои руското Министерство за одбрана тврди дека го прикажуваат нападот врз железнички композиции со кои се превезувал воен товар.
Според наведените информации, нападот бил изведен во близина на местото Вишњево со употреба на беспилотни летала „Герањ-4 сикер“