Русија планира до пролет да произведе замрзнати лиофилизирани (суви) вакцини Спутник V, со што ќе се елиминира проблемот со транспортот на ултра ниски температури, соопштија руските власти.
Фармацевтските компании ширум светот се обидуваат да се справат со логистичкиот проблем на комплициран транспорт на анти-ковид вакцини во специјални комори на ултра ниски температури.
Вакцините мора да се транспортираат и да се чуваат на температура од минус 70 степени Целзиусови, што е предизвик дури и за најдобро опремените болници во САД.
Процесот на лиофилизација значи дека вакцината, која е во течна состојба, се трансформира во сува, бела супстанца, која потоа се чува на температура од 2 до 8 степени Целзиусови, а непосредно пред вакцинацијата се разредува.
– Очекуваме уште од февруари во најголема мерка да биде прифатена лиофилизираната антиковид вакцина, изјави Кирил Дмитријев, првиот човек на рускиот фонд за директни инвестиции.