Русија не верува дека е можно да ја испорача својата вакцина Спутник V во Европската унија пред мај или јуни, изјави денеска шефот на рускиот суверен фонд, РДИФ, кој е задолжен за дистрибуција на вакцината.
Кирил Дмитриев, шеф на Рускиот фонд за директни инвестиции (РДИФ), за државната телевизија Росија 24 изјави дека „големи испораки во ЕУ се можни само по завршувањето на масовната вакцинација во Русија“.
РДИФ е одговорен за меѓународна продажба на Спутник V, која е веќе одобрена во голем број земји.
Вакцината се дава во две дози и сè уште не е одобрена од Европската агенција за лекови (ЕМА) за употреба во Европската унија.
Доколку биде одобрена, Спутник V ќе и помогне на ЕУ да се справи со недостиг на вакцини, спротивно на договорот со западните производители кои претходно се обврзаа да доставуваат поголеми количини.
Москва и ЕМА последните денови јавно спорат дали РДИФ воопшто поднела барање за одобрување на вакцината, јави агенцијата ДПА.