Рускиот државен производител на оружје КТРВ објави дека за прв пат ќе ја претстави новата воздушна крстосувачка ракета Кх-69 како дел од меѓународниот форум Војска-2022.
„Што се однесува до новите производи, на форумот Војска-2022 за првпат ќе ја прикажеме повеќенаменската високопрецизна крстосувачка ракета Kh-69 со низок профил“, објави корпорацијата.
Проектилот Kh-69 е дизајниран да уништи широк опсег на стационарни цели на земјата со координати познати пред лансирањето, вклучувајќи ги и оние без радар, инфрацрвен и оптички контраст со околината.
Досег од 290 километри
„Опремен е со комбиниран систем на навигација и автоматска контрола. Максималниот дострел е до 290 километри, со брзина од 700 до 1000 км/ч, во зависност од конфигурацијата. Масата на боевата глава е од 300 до 310 килограми“, објави корпорацијата.
Меѓународниот воен форум Војска-2022 ќе се одржи од 15 до 21 август во изложбениот центар Патриот во близина на Москва. Настанот е во организација на руското Министерство за одбрана.