Русија ќе продолжи да и доставува на Сирија хуманитарна помош по алтернативни маршрути, заобиколувајќи го воздушниот простор на Грција и Бугарија, изјави рускиот заменик-министер за надворешни работи Сергеј Рјабков на маргините на саемот за оружје Russia Arms Expo-2015 во Нижни Тагил, во Свердловската област, јави ТАСС.
– Секако дека ќе пронајдеме алтернативни маршурти, изјави тој како одговор на прашање како Русија ќе и доставува помош на Сирија по затворањето на воздушните коридори на Бугарија и Грција, без да прецизира преку кои земји ќе минуваат руските авиони.
– Жалам поради тоа што под притисок на Вашингтон, а јавно и под притисок од Брисел, каде се седиштата на НАТО и ЕУ, некои земји не го исполнуваат она, што би рекол дека е нивни меѓународен долг, нагласи Рјабков.
Според него целата меѓународна заедница нема сознанија во каква хуманитарна ситуација се наоѓа Сирија, какви страдања и жртви претрпува сирискиот народ.