Москва ја преместува руската армија низ земјата и ја групира во близина на границата со Украина за идни офанзивни операции, објави денеска британското Министерство за одбрана во новиот разузнавачки извештај.
Во извештајот се наведува дека се работи за нови пешадиски единици кои користат оклопни возила од типот МТ-ЛБ, кои се земени од долгорочно складирање.
Британското разузнавање соопшти дека Русија долго време смета дека таквите возила се несоодветни за операции за поддршка на пешадијата.
И покрај неодамнешните тврдења на рускиот претседател Путин, кој рече дека руската војска „не ни започнала“ во Украина, според британското разузнавање, повеќето од засилувањата се собрани ад хок и опремени со застарена или несоодветна опрема.
Latest Defence Intelligence update on the situation in Ukraine – 9 July 2022
Find out more about the UK government's response: https://t.co/xebTKaaF6c
?? #StandWithUkraine ?? pic.twitter.com/Jn4rNBOp5s
— Ministry of Defence ?? (@DefenceHQ) July 9, 2022