Русија: Франција и Обединетото Кралство подготвуваат планови за воена интервенција во Украина

Од:

Марија Захарова, портпаролка на руското Министерство за надворешни работи, изјави дека Франција и Обединетото Кралство „подготвуваат планови за воена интервенција во Украина“ под изговор дека испраќаат војници во мировна мисија.

Скај њуз пренесува дека Захарова предупредила дека таквата интервенција ќе доведе до директен конфликт меѓу Русија и НАТО.

Британската телевизија потсетува дека Франција и Обединетото Кралство се земјите кои ја предводат „Коалицијата на волните“ чии шефови на држави и влади денеска се собираат во Париз за да разговараат за европските планови за потенцијален прекин на огнот во Украина.

Тој план може да вклучи европски трупи во земјата, што Москва го смета за неприфатлива опција.

– Нашата земја е категорично против такво сценарио, кое ризикува директен конфликт меѓу Русија и НАТО, рече Захарова на брифинг со новинарите.

Руската државна новинска агенција Тас ја објави и пораката на Захарова дека Обединетото Кралство сака да предизвика „крвопролевање“ меѓу ЕУ и Русија.

Би можело да ве интересира

Берже: Макрон ќе остане француски претседател до последниот момент од мандатот

„Њујорк тајмс“: Макрон би можел да го изгуби парламентот и да ја „фрли“ Франција во хаос

Шоф: Немаме докази, но мислиме дека Русите ги испратиле беспилотните летала

Финска најави царини за сите производи од Русија

Соборени се 53 украински дронови, повредени се три лица

Сојузникот на Макрон го повикува да поднесе оставка за да може Франција достоинствено да излезе од кризата