Поранешниот претседател на Молдавија и лидер на Комунистичката партија Владимир Воронин изјавил дека романскиот јазик никогаш не постоел и оти Романците го презеле јазикот од Молдавците, објави романскиот весник Журналул национал.
Воронин тоа го кажал пред студенти на Меѓунарден универзитет во Молдавија каде бил поканет на конференција.
– Јас како пратеник во последниот совет на Молдавската Советска Социјалистичка Република на 31 август 1989 година, дигнав рака за законот за државен јазик, законот за функционирањето на јазиците во Молдавија, во кој се посочува дека нашиот јазик е молдавски.
– Што прават тие сега? Каде е молдавскиот јазик? Тие не разбираат и не знаат дека романскиот јазик како таков не постои и никогаш не постоел. Тој е резултат од создавањето на романската држава, изјави Воронин, познат по антиромански ставови.
– Романија кога се формираше го презема нашиот јазик, молдавскиот и го нарече романски бидејќи државата се нарекува Романија, нагласи Ворнонин.