Северноатлантската алијанса соопшти дека не е инцидент тоа што беспилотни летала прелетаа и паднаа во Полска, објави Ројтерс, повикувајќи се на извори од НАТО.
Полскиот премиер Доналд Туск официјално објави утрово дека воздушниот простор на Републиката бил нарушен од „огромен број“ наводно руски беспилотни летала. Тој нагласи дека овие беспилотни летала, кои претставуваат „директна закана за територијалната безбедност на Полска“, биле уништени. По овој инцидент, Туск свика итен состанок на кабинетот и додаде дека е во постојан контакт со генералниот секретар на НАТО, Марк Руте, и другите сојузници.
Украинскиот претседател Володимир Зеленски, исто така, се огласи за инцидентот, обвинувајќи ја Русија за нарушување на полскиот воздушен простор. Според него, „најмалку осум напаѓачки беспилотни летала“ биле насочени кон Полска, што го опиша како „исклучително опасен преседан за Европа“ и „уште една рунда ескалација“. Зеленски повика на зголемен притисок преку санкции за Русија „да ги почувствува последиците“.