Иранскиот претседател Хасан Рохани, кој официјално го доби и вториот мандат по победата на вчерашните претседателски избори во Ирак, истакна дека ќе ги исполни неговите предизборни ветувања за создавање на послободно општество и подоборување на економијата.
– Иран е голема нација. Ќе останам верен на ветувањата кои ги дадов, наведе Рохани на неговиот Твитер налог.
Тој, при неговото прво обраќање, по победата, нагласи дека Иранците со ова гласање одбрале да соработуваат со светот.
– Пораката на нашиот народ е јасно изразена. Иранскиот народ го одбра патот кон заедничко ангажирање со светот, далеку од екстремизмот. Иранскиот народ сака да живее во мир и пријателство со остатокот од светот, но не прифаќаме било какви закани, ниту понижувања, порача Рохани.
– Нашиот народ им пренесе на соседните земји и на целиот регион дека патот кон осигурување на безбедноста е преку зајакнувањето на демократија, а не преку ослонувањето на други земји, истакна иранскиот претседател.
– Иранскиот претседател Рохани официјално победи на претседателските избори со околу 57 отсто освоени гласови, изјави денеска иранскиот министер за внатрешни работи Абдолрез Рахмани Фазли, врз основа на 99,7 отсто од преброените гласови.