Операта во Рим ги отпушта сите 182 членови на оркестарот и хорот, а одлуката уследи по повеќемесечни финансиски проблеми и штрајкови, кои кон крајот на септември доведоа до оставка на познатиот диригент Рикардо Мурти на функцијата претседател на Римската опера.
– Колективното отпуштање на членови на оркестарот и хорот е прво во Италија, но тоа е многу често во големите европски театри, рече управникот на Операта во Рим Карло Фуортес по состанокот на Управниот одбор.
Тој прецизираше дека уметниците се повикани да формираат ново здружение кое би можело да работи со Операта во Рим од 1 јануари.
Градоначалникот Ињасио Марино рече дека оваа мерка би била единствена алтернатива на затворањето на театарот.
Отпуштањето се однесува на 182 вработени, од 460 и би требало со тоа да бидат заштедени 3,4 милиони евра.