Италијанската финансиска полиција денес соопшти дека го уапси лидерот на кланот „Камора“, Адријан Манка.
Како што пренесе „Франс прес“, полицијата дознала дека опасниот бегалец се крие во еден бар, во градот Торе дел Греко, на југот на Италија.
Манка (44) беше во бегство, откако полицијата на почетокот месецов издаде налог за негово апсење, поради меѓународен шверц со дрога.
При акцијата Манка не се спротивставувал, само тврдел дека не е тој кого полицијата го бара. Сопственикот на барот исто така е уапсен бидејќи е осомничен дека сокривал криминалец.
Кланот „Камора“ работи најмногу во околината на Наполи, но има и широка меѓународна мрежа во која „се слеваат“ милијарди евра од шверц на дрога, фалсификувани производи и слично.
Елена Георгиевска