Рим и Милано воведоа „денови без автомобили“ во почетокот на идната недела во борбата против загадувањето на воздухот.
Властите во Рим денеска соопштија дека идниот понеделник и вторник ќе биде воведена забрана за возење автомобили шест часа, додека Милано освен тие денови ја додава и среда.
Додека квалитетот на воздухот не се подобри термостатите за греење на домовите во Рим не смеат да бидат над 18 сетепени Целзиусови. Топлото и суво време овие денови дополнително влијае врз загадувањето на воздухот, јавуваат локални медиуми.