Наградата „Слобода на говорот“, што ја доделува Меѓународната асоцијација на прес-клубовите, ќе биде врачена на невладината организација „Репортери без граници“ за нејзините дејствија за поддршка на новинарите низ целиот свет.
Оваа награда се доделува по првпат и предвидува парична награда од 10.000 евра. Меѓународната асоцијација на прес-клубовите обединува дваесетина прес-клубови од целиот свет.
Церемонијата на доделувањето ќе се одржи вечерва во Кралскиот дворец во Варшава. На церемонијата ќе присуствува и поранешниот полски претседател и добитник на Нобелова награда за мир Лех Валенса.