Италијанскиот премиер Матео Ренци упати критика до оние кои повикуваат на затворање на границите како одговор на терористичките напади во Брисел и предупреди дека заканата веќе е во Европа, јави ДПА.
– Оние кои денеска се залажуваат себеси, извикувајќи „Да ги затвориме границите“, не се свесни или не го знаат фактот дека во многу случаи нашите непријатели се веќе во нашите градови, посочи Ренци.
– Непријателот не е само далеку од нас, непријателот се крие и во срцето на европските градови, во предградијата на нашите главни градови, додаде тој.