Средбата на врвот на Г-7 во 2017 година ќе се одржи на Сицилија, изјави италијанскиот премиер Матео Ренци во Ише-Сима, каде што денеска започна годинашната средба на лидерите на седумте индустриски најразвиени држави – Велика Британија, Германија, Италија, Канада, Соединените Американски Држави, Франција и Јапонија.
– Јапонското претседателство вклучи на дневниот ред многу прашања, пред да ја предаде палката на Италија, која ќе ја организира средбата на врвот во 2017 година на Сицилија”, рече Ренци, пренесува ДПА.