Италијанскиот премиер Матео Ренци не сакаше синоќа да присуствува на заедничката прес-конференција со германската канцеларка Ангела Меркел и францускиот претседател Франсоа Оланд, по самитот на ЕУ во Братислава, бидејќи, како што истакна, не ги поддржува нивните заклучоци.
Како што јавија италијанските медиуми, Ренци објасни дека на Самитот немало напредок за прашањето за миграциската криза и дека „не е задоволен со заклучоците донесени за економскиот раст и миграцијата поради што не можел да учествува на прес-конференција заедно со Оланд и Меркел“.
– Самитот не беше изгубено време, но за денешните документи за миграцијата да се опишат како чекор напред е потребна мечта, нагласи Ренци.
Според него, постигат е минимален напредок, но ЕУ се уште е далеку од решавањето на проблемите по Брегзитот.