Не може да градиме нови ѕидови во Европа. Тие се градат за потоа да се уриваат. Ѕидовите не се заштита, туку стапица, изјави италијанскиот премиер Матео Ренци во интервју за германскиот весник „Велт“.
– Проблемот со мигрантите треба да го решиме заедно во Европа и да имаме предвид дека тој ќе продолжи долги години, предупреди Ренци.
Тој повика да не се крева тревога поради миграциската криза, туку да се задржи спокојство и разум, бидејќи „имаме потреба од долгорочна стратегија за мигрантите“.
Ренци, исто така, изрази загриженост од однесувањето на некои нови земји-членки на ЕУ во врска со миграциската криза и распределбата на бегалците во Европа.