Италијанскиот премиер Матео Ренци денеска, по средбата со грчкиот колега Алексис Ципрас, изјави дека е можен договор меѓу новата грчка Влада и европските институции.
– Верувам дека постојат услови за наоѓање заеднички јазик со европските институции, истакна Ренци на заедничката прес-конференција со Ципрас.
Официјална Атина е задоволна од вчерашниот коментар на Ренци за радио РТЛ дека сака дискусијата за економската политика „да ја сврти од штедење кон раст и инвестиции“. Грчката Влада смета дека овој коментар е позитивна појдовна точка за „продуктивна дискусија“ меѓу двајцата премиери.