Двете каталонски сепаратистички партии постигнаа договор за организирање референдум за независност на Каталонија во 2014 година.
Договорот го постигнале премиерот на Каталонија Артур Мас од “ЦИУ” и нешто порадикалната партија “ЕРЦ” која ќе придонесе Артур Мас да направи нова влада и така да продолжи да владее со тој регион.
Портпаролите на двете партии соопштија дека е договорено референдумот да се распише во текот на 2014 година, а може да биде одложен само во случај на виша сила.
Шпанскиот премиер Маријано Рахој и неговата влада остро се противат на референдумот за независност и најави дека одлуката ќе ја оспорат пред Уставниот суд.
Централната власт во Шпанија предупредува дека отцепувањето би било нелегално и би можело да доведе до граѓанска војна.
Каталонија на Мадрид годишно му плаќа околу 16 милијарди евра данок, многу повеќе од сумата која ја добива за возврат.
Каталонија е Шпанска автономна заедница, која е призната како држава и заштитена од Шпанскиот Устав. Најголем град е Барселона.